ليه مهم نكتب أهداف تعليمية وهتفرق فى ايه، ما نعمل المحتوى علطول وخلاص؟!

اتكلمت قبل كده عن أن الفعل في الـ learning objectives لازم يكون action verb (المتعلم هيعمل حاجة) ويكون observable (يمكن ملاحظته وتقييمه). بس ليه أصلا مهم نكتب أهداف تعليمية.. فى البوست ده هقول 6 أسباب يخلوك تكتب learning objectives.

أهمية كتابة الأهداف التعليمية

1. ول حاجة إنها بتدي المتعلم رؤية عن المحتوى اللى هيكون موجود فى الكورس.. وبنهاية الكورس ده أنا كمتعلم هعرف ايه أو هقدر أعمل ايه..
2. بتساعدك كمصمم تعليمي تتأكد إن كل المحتوى موجود، لأن الطبيعي إن الأهداف دي جايه من training needs محددة، وبالتالى أنت بتتأكد إن المحتوى لكل objective ولكل need موجود.. أنت هنا هتقدر تحدد ايه الـ need-to-know (المعلومات اللازم وجودها) وتحدد الـ nice-to-know (المعلومات اللى يمكن الاستغناء عنها).. ده هيخليك تركز أكتر وتوفر وقتك ووقت المتعلم بأنك تركز على المعلومات اللى لازم وجودها وتكون بتحقق الـ needs..
3. الأهداف التعليمية بتوصف وتوصل لأي حد مهتم، أنه يعرف الكورس أو التدريب ده عبارة عن ايه.. ممكن يكون حد من المديرين أو الزملاء أو حتى عميل عايز يعرف الكورس بيغطي ايه.. فمن خلال الأهداف دي هيقدروا يحددوا إذا كان الكورس بيحتوي على الحاجات اللى هما شايفينها مهمة ولا لأ..
4. الـ objectives هتساعدك تنظم الكورس اللى بتعمله، لأن الأهداف دي أنت بتبدأ تكسرها وتحولها لـ chapters أو modules وبعدين lessons أو topics، أو اللى بنسميه الـ course sequence.. فمن غير الأهداف دي هتعمل الـ sequence ده بناء على ايه!
5. خامس حاجة ومن أهمهم من وجهة نظري، إن الأهداف هي أساس عملية تقييم المتعلم Trainee Evaluation.. فالمتعلم عرف هوا هيعرف أو هيقدر يعمل ايه بنهاية الكورس، وبالتالي من المنطقى إنك تقيم المعرفة والمهارة دي بناء على الهدف اللى أنت محدده.. لأن كل سؤال المفروض يكون مرتبط بهدف.. (هتكلم عن ده فى بوست لوحده إن شاء الله، وهي حاجة اسمها instructional alignment)
6. أخر حاجة واللى من أهمهم برضه إن الأهداف هي أساس تقييم الكورس نفسه.. لأن دي الأهداف اللى المفروض الكورس يحققها، فلو المتعلمين قدروا يحققوا الأهداف دي يبقى الكورس كده ناجح، ولو ده محصلش أو بنسبة قليلة فأنت محتاج تراجع الكورس تاني وعندك rework محتاج تعمله.. طبعا مش ده بس اللي ينقيم الكورس عليه فيه حاجات تانية بنقيم بيها الكورس (هتكلم عن الـ Four levels of evaluation فى بوست لوحده) بس لو حققت الأهداف التعليمية فبنسبة كبيرة جدا هيكون تقييم الكورس ككل أكثر من جيد..

دي كده 6 أسباب رئيسية يخلوك تكتب learning objectives.. لو عندك أسباب تانية شاركه ا عشان الكل يستفيد. ولو معندكش قول أنت بتستخدم الأهداف التعليمية لأي سبب من دول..